Refrain
Si té viens dins l'Nord, dins l'Nord ou dins l'Pas-d'Calais, cros pas ç'qu'in t'a raconté
Té verras qu'ichi, in y est bien au pays des ch'timis

Ch'est fou, c'qu'in peut bien raconter sur'l'Nord et sur'l''Pas-d'Calais
Cha ch'est vrai, cha ch'est vrai.
À commincher par l'météo, qui dit qui pleut quand i fait bieau
Ch'est pas vrai, ch'est pas vrai
Ch'est vrai qu'nous'z'autes par ichi, in n'a pas l'soleil du midi
Cha ch'est vrai, cha ch'est vrai
Faut comme même pas exagéré, in est pas toudis in gélée
Ch'est pas vrai, ch'est pas vrai

Refrain

In t'fait vire à'l'télévision, l'côté plus tristes eud'ches corons
Cha ch'est vrai, cha ch'est vrai
In dit qu'dins ches rues, ches maisons, ch'est rimpli d'poussière eud'carbon
Ch'est pas vrai, ch'est pas vrai
Faut pas croire in a des villaches, et certain'mint les plus belles plages
Cha ch'est vrai, cha ch'est vrai
À les intinde, in aurait peur, in n'sérot même pas ç'qu'ch'est qu'eune fleur
Ch'est pas vrai, ch'est pas vrai

Refrain

Ch'est vrai qu'in n'est pas les derniers pour faire la fête et s'amuser
Cha ch'est vrai, cha ch'est vrai
Mais quand in dit qu'il y a autant d'cabarets qu'i'y a d'habitants
Ch'est pas vrai, ch'est pas vrai
Ch'est vrai aussi, qu'un vrai ch'timi n'arfusera jamais un bon d'mi
Cha ch'est vrai, cha ch'est vrai
Quand in dit qu'in bot comme des tros, qu'in n'bot qu'ches chercles et ches tonnieaux
Ch'est pas vrai, ch'est pas vrai

Refrain

Et si sur l'Nord et l'Pas-d'Calais, in a canté des tas d'canchons
Cha ch'est vrai, cha ch'est vrai
Y'a Bachelet qui nous a canté qu'in n'a qu'du carbon et des corons
Ch'est pas vrai, ch'est pas vrai
In a dins l'coeur, les gens du Nord, du soleil qu'in n'a pas déhors
Cha ch'est vrai, cha ch'est vrai
Les Capenoules nous ont canté qu'in est cocu par ches inglais
Ch'est pas vrai, ch'est pas vrai

Refrain 3 fois