Filet boeu' comm' che polonais

Admin Age : 74

Bonjour mes gins, cha va t'i

Aujourd'hui che aveuc plaisir que va vous donner l'arcette du

filet d' boeu' comm' eun' viell polonais' al' la apprind à

m'mémère ,,,,,,,,

Alors pour 6 personnes , t'accates 1 kg d'filet

d'boeu,,,,,,,,,,,infin si ch'est tertous des pluqueux comm' mi, à

m'avis qu' t'aras plus d'chanc'si qu'te n'accates 1kg et d'mi,

Te profites equ't'es à mon de ch' boucher pour prinde 10

tranches ed'lard infinqué, cha t'évit'ras d'êt' obligé d'i

artourner,

Ach't'heur te vas préparer tin rôti : te fais eun' dijaine ed'

fintes su' longueur, et te gliches eun dins tes tranches ed lard

infinqué, te fichelles bin tout cha pour pointqu'cha s'arsoeuf, te

mets eun' ziqu' ed' sé et un monet d'poif,

Acoté d'cha , te fais dorer dins eun payelle 5 ognons copés in

tiot's lamelles , et te tapisses l'fond d'un plat au four aveuc, Te

mets t' viand pad'zeur, et tros quat gross carottes autour,

Te va ach'teur prind' tros cuillèr's à l' soup' ed conchintré

d'tomates qu'te vas mett' dis eun' grand' jatte et

qu'te vas détouiller aveuc el' valeur ed' tros verre ed' biére

brune,

Te mets tin rôti à four fort vif (8-9) te l'arroses aveuc el

touillach'ed' biére et d'tomate, et te cuis eun'demi heur' in

arrosant souvin,

Te sers cha aeuc des tiot's poeun'é'terre au burre et des pos d'

chuqu' du gardin, et là , te t' rindras compte equ' ches

polonais, cha n'est point des mitans d'innochints, et qu'i z'ont

aussi querr' equ'ti à n'in mett' plein leu loup's!

Recette tirée du L'MINGER A L'BIERE
PAR JOSE AMBRE