Ej vas t'donner un moyen de z'accomoder equ' t'as point eu l'occasion d'in minger des parell's!

D'abord, i t'faut au moins deux kilos d'inguill's

Te z'écorches, te les nettoyes et te les copes in morchiaux

Te laves tout cha dins plusieurs iaux, te z'escoues, et te les réchues

Dins eun'casstrolle , te fait cauffer 100 gr ed'burre,et quand qu'i est roux comm' des nojett's, te peux jech'ter d'dins tes morciaux d'inguill's,
te mets eun'ziqu'ed sé, et te n'as point peur ed'mett' eun' pugnie d'poif,
faut qu' cha seuch' arlévé.

Quand t'z inguill's all' sont rait's, t'ajoutes du cherfeull et eun'bonne
pugnie d'surelle hachée.2

Ch'est là que ch' meilleu i qu'minche : te balles dins t'casstrolle, mais cha aveuc tout tin coeur, eun boutell' ed bonne gueuze et te l'fait cauffer jusqu'à c'que cha bouill'.

Quand qu'cha a bin bouillu, t'artires de ch'fu et te loyes el' tout aveuc six ués d'glenne et eun' pinchée d'fécule détouillée dins un verre ed' crêm'fraîch'.

Te r'laiches faire juss' un bouillon et te sers cha tout caud....Humm!Arniff' cheull ecran, i-a ch' l'odeur qui ar'sorte d'eul machin....!


( inguills : anguilles ,surelle hachée : oseille (euch' légume , innochinte)

Surelle est issu de l'adjectif francique : sur aigre acide.



Recette tirée du bon livre de Monsieur José Ambre


Mi euch vous souhaite bon appétit , o pouve pon savoir mais ichi a'm'ason
comm' min biau frére ché un pêqueu ,vla ti pon qu'eu j'y a dit que j'allo vous donner arcettes , y ma ar'méné d'z'inguills, euch matin ja passé deux heures pou les echorchés , eum femme al eto in train z'eux cuire , mi chu déjà al tabe,
au z'alle m'dir pour un 1 er Mai, bin mi euj'vous dit cha aveuc un bou't pain.